Altium Azərbaycan 3-cü Beynəlxalq Azərbaycan Laborator Tibb Konqresi & Lab Expo-nun (AZLTK & LAB EXPO 2025) 01-03 May 2025-ci il tarixlərində Baku Marriott Hotel Boulevard -da keçirilən konqresdə iştirak etmişdir. Bu konqres Klinik laboratoriya sahəsində öz töhfələri və təcrübələri ilə tanınan Altium Azərbaycan komandası Azərbaycanın klinik laboratoriya mütəxəssislərinin üçüncü beynəlxalq konqresi çərçivəsində keçirilən konqresdə öz stendi ilə iştirak etməklə təcrübələrini artırmışdır. Bu ilki konqresimiz “Suveren Azərbaycan naminə!” mottosu/şüarı ilə keçirilmişdir
Bu il Konstitusiyamızın qəbul edilməsinin 30-cu və Vətən müharibəsində qələbəmizin 5-ci ildönümü qeyd olundu. Bununla da Azərbaycan Respublikasında 2025-ci ilin “Konstitusiya və Suverenlik İli” elan edilməsi haqqında Azərbaycan Respublikası Prezidentinin 28 dekabr 2024-cü il tarixli Sərəncamı ilə əlaqədar olaraq üzərimizə düşən məsuliyyəti dərk etdiyimizi, laborator tibb sahəsinin mütəxəssisləri olaraq suveren və gücü Azərbaycan səhiyyəsi üçün bütün səylərimizi birləşdircəyimizi bəyan edirik.
Tibb mənzərəsi texnologiya və tədqiqatdakı irəliləyişlərlə təkamül etməyə davam etdikcə peşəkarların mövcud çətinlikləri və imkanları toplaması, düşünməsi və birgə həlli vacib olur. Bunu nəzərə alaraq, konqres mütəxəssislər üçün laboratoriya təbabətinin müxtəlif sahələrini əhatə edən aktual problemləri nəzərdən keçirmək və müzakirə etmək üçün platforma yaratmaq məqsədi daşıyırdı. Buraya klinik biokimya, klinik mikrobiologiya və sürətlə inkişaf edən genetika sahəsində kritik mövzular daxil olmuşdur. Bu konqresdə laborator tibbin bütün istiqamətləri, o cümlədən, klinik biokimya, klinik mikrobiologiya və genetika sahəsində aktual məsələlərin nəzərdən keçirilməsi və müzakirəsi baş tutmuşdur. Üç fərqli zalda təşkil olunmuş konqresin proqramında laborator tibbin Biokimya, Mikrobiologiya və İmmunologiya, Genetika, Patologiya sahələrinə dair mövzular yer almışdır. Tibbi/Klinik Biokimya və Genetika zallarında bu sahələrlə yanaşı, molekulyar biologiya, genetika, toksikologiya, immunologiya, hematologiya və endikrinologiyaya dair mövzular; Tibbi/Klinik Mikrobiologiya zalında isə bu sahəyə əlavə olaraq, mikrobiologiya ilə əlaqəli bütün mövzular, xüsusilə, immunologiya, ətraf mühit mikrobiologiyası, peyvəndlər, epidemiyalar, mikrobiota, həmçinin, qlobal sağlamlıq, sindromik yanaşmalar və bioinformatika kimi sahələr müzakirə edilmişdir.
Altium Azərbaycan komandası da bu konqres ərzində keçirilən sərgidə öz stendi ilə iştirak etmiş, məhsul və xidmətlərini ziyarətçilər üçün təqdim etmişdir.
Sonda konfransda iştirakı üçün Altium Azərbaycan “Konqresdə İştirak Sertifikatı” ilə təltif olunmuşdur.
